ਹਲਕਾ ਜਲੰਧਰ ਉੱਤਰੀ ਵਿੱਚ ਭਗਵਾਨ ਵਿਸ਼ਵਕਰਮਾ ਜੀ ਦਾ ਜਨਮ ਦਿਹਾੜਾ ਸ਼ਰਧਾ ਅਤੇ ਸਤਿਕਾਰ ਨਾਲ ਮਨਾਇਆ
ਜਲੰਧਰ:9 ਨਵੰਬਰ2026 (ਬਿਉਰੋ ਮਨਦੀਪ ਕੌਰ )
ਭਗਵਾਨ ਵਿਸ਼ਵਕਰਮਾ ਜੀ ਦਾ ਪਾਵਨ ਜਨਮ ਦਿਹਾੜਾ ਹਲਕਾ ਜਲੰਧਰ ਉੱਤਰੀ ਵਿਖੇ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਮੌਕੇ ਹਰਿੰਦਰ ਸਿੰਘ ਢੀਂਡਸਾ, ਹਲਕਾ ਇੰਚਾਰਜ ਸ਼੍ਰੋਮਣੀ ਅਕਾਲੀ ਦਲ, ਹਲਕਾ ਜਲੰਧਰ ਉੱਤਰੀ ਨੇ ਆਪਣੇ ਸਾਥੀਆਂ ਸਮੇਤ ਫੋਕਲ ਪੁਆਇੰਟ ਸਥਿਤ ਭਗਵਾਨ ਵਿਸ਼ਵਕਰਮਾ ਮੰਦਿਰ ਅਤੇ ਬਾਬਾ ਵਿਸ਼ਵਕਰਮਾ ਮੰਦਿਰ, ਅਮਨ ਨਗਰ ਵਿਖੇ ਪਹੁੰਚ ਕੇ ਭਗਵਾਨ ਵਿਸ਼ਵਕਰਮਾ ਜੀ ਦੇ ਚਰਨਾਂ ਵਿੱਚ ਨਤਮਸਤਕ ਹੋ ਕੇ ਅਸ਼ੀਰਵਾਦ ਪ੍ਰਾਪਤ ਕੀਤਾ।
ਹਰਿੰਦਰ ਸਿੰਘ ਢੀਂਡਸਾ ਨੇ ਕਿਹਾ ਕਿ ਭਗਵਾਨ ਵਿਸ਼ਵਕਰਮਾ ਜੀ ਦਾ ਜਨਮ ਦਿਹਾੜਾ ਮਿਹਨਤਕਸ਼ ਕਿਰਤੀ ਵਰਗ, ਕਾਰੀਗਰਾਂ, ਸ਼ਿਲਪਕਾਰਾਂ, ਤਕਨੀਕੀ ਮਾਹਿਰਾਂ ਅਤੇ ਉਦਯੋਗਾਂ ਨਾਲ ਜੁੜੇ ਹਰ ਵਿਅਕਤੀ ਦੇ ਸਨਮਾਨ ਦਾ ਦਿਹਾੜਾ ਹੈ। ਇਨ੍ਹਾਂ ਮਿਹਨਤਕਸ਼ ਲੋਕਾਂ ਦੀ ਅਣਥੱਕ ਮਿਹਨਤ ਸਮਾਜ ਅਤੇ ਦੇਸ਼ ਦੀ ਤਰੱਕੀ ਵਿੱਚ ਅਹਿਮ ਯੋਗਦਾਨ ਪਾਉਂਦੀ ਹੈ।
ਇਸ ਮੌਕੇ ਉਨ੍ਹਾਂ ਨੇ ਭਗਵਾਨ ਵਿਸ਼ਵਕਰਮਾ ਮੰਦਿਰ ਮੈਨੇਜਮੈਂਟ ਕਮੇਟੀ, ਫੋਕਲ ਪੁਆਇੰਟ ਜਲੰਧਰ ਅਤੇ ਭਗਵਾਨ ਵਿਸ਼ਵਕਰਮਾ ਮੰਦਿਰ ਧਰਮਸ਼ਾਲਾ ਸੇਵਾ ਸਭਾ, ਅਮਨ ਨਗਰ ਜਲੰਧਰ ਦੀਆਂ ਸਮੂਹ ਪ੍ਰਬੰਧਕ ਕਮੇਟੀਆਂ ਦਾ ਸਮਾਗਮ ਦੇ ਸੁਚੱਜੇ ਪ੍ਰਬੰਧਾਂ ਲਈ ਧੰਨਵਾਦ ਕੀਤਾ।
ਇਸ ਮੌਕੇ ਹਾਜ਼ਰ ਪ੍ਰਮੁੱਖ ਸ਼ਖ਼ਸੀਅਤਾਂ ਵਿੱਚ ਸ. ਜਗਦੀਪ ਸਿੰਘ ਵਿਰਦੀ, ਮੈਂਬਰ ਜਨਰਲ ਕੌਂਸਲ ਅਤੇ ਸਰਕਲ ਪ੍ਰਧਾਨ, ਇੰਡਸਟਰੀਅਲ ਏਰੀਆ; ਸ. ਗੁਰਜੀਤ ਸਿੰਘ ਮਰਵਾਹਾ, ਮੈਂਬਰ ਜਨਰਲ ਕੌਂਸਲ; ਜਥੇਦਾਰ ਕਰਤਾਰ ਸਿੰਘ ਗਿੱਲ, ਸਰਕਲ ਪ੍ਰਧਾਨ ਨਾਗਰਾ; ਜਥੇਦਾਰ ਸਤਪਾਲ ਸਿੰਘ ਨੀਲਾਮਹਿਲ, ਸਰਕਲ ਪ੍ਰਧਾਨ ਨੀਲਾਮਹਿਲ; ਸ਼ੇਰ ਸਿੰਘ ਬਾਜਵਾ, ਸੀਨੀਅਰ ਮੀਤ ਪ੍ਰਧਾਨ; ਰਾਜੇਸ਼ ਸ਼ਰਮਾ, ਪ੍ਰਧਾਨ ਉਦਯੋਗ ਅਤੇ ਵਪਾਰ ਵਿੰਗ; ਜਥੇਦਾਰ ਤਰਲੋਚਨ ਸਿੰਘ, ਪ੍ਰਧਾਨ ਬੀ.ਸੀ. ਵਿੰਗ; ਗੁਰਸੇਵਕ ਸਿੰਘ ਗਿੱਲ, ਪ੍ਰਧਾਨ ਯੂਥ ਵਿੰਗ; ਸ. ਜਸਵਿੰਦਰ ਸਿੰਘ ਧੋਗੜੀ, ਵਾਰਡ ਪ੍ਰਧਾਨ, ਵਾਰਡ ਨੰਬਰ 77; ਰਣਜੀਤ ਸਿੰਘ ਓਬਰਾਏ ਅਤੇ ਗੁਰਜੰਟ ਸਿੰਘ, ਵਾਰਡ ਪ੍ਰਧਾਨ ਸਮੇਤ ਹੋਰ ਪਤਵੰਤੇ ਸੱਜਣ ਹਾਜ਼ਰ ਸਨ।
ਹਰਿੰਦਰ ਸਿੰਘ ਢੀਂਡਸਾ
ਹਲਕਾ ਇੰਚਾਰਜ
ਸ਼੍ਰੋਮਣੀ ਅਕਾਲੀ ਦਲ
ਹਲਕਾ ਜਲੰਧਰ ਉੱਤਰੀ
